რადიკალური ოპოზიციისთვის კოალიციური მთავრობა მიმზიდველია, უნდათ, საზღვარგარეთელ პატრონებს დაანახონ, რომ დემოკრატიისთვის იბრძვიან და მათთვის რევოლუცია დღის წესრიგში არ დგას, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.
მისივე თქმით, რადიკალური ოპოზიციის მთავარი მიზანი ხალხის მოტყუებაა.
„რადიკალური ოპოზიციისთვის კოალიციური მთავრობა მიმზიდველი თემაა, რადგან უნდათ, თავის საზღვარგარეთელ პატრონებს დაანახონ, რომ ისინი დემოკრატიისთვის იბრძვიან და მათთვის დესტაბილიზაცია, რევოლუცია დღის წესრიგში არ დგას. რაც მთავარია, მათი მიზანია, ქართული საზოგადოება მოატყუონ. რომელ კოალიციაზე შეიძლება იყოს საუბარი, როდესაც ყველას ერთი ნიშანი სცხია – ეს არის კოლექტიური „ნაცმოძრაობის“ იდეა, რომ საქართველოში ხელისუფლებაში დესტაბილიზაციის და რევოლუციის გზით მოვიდნენ. კოალიციის იდეის წარმოშობა ხალხისთვის სატყუარა, გარკვეული პიარული ბალანდაა, რომ ის ადამიანები გამოკვებონ, რომელთაც არ ესმით, რა ხდება რეალურად და რაც შეიძლება მეტი ქუჩის მებრძოლი შემატონ თავიანთ ბნელ იდეებს“, – განაცხადა ვოლსკიმ.
