ყველამ კარგად გაითვალისწინოს და ცეცხლს ნურავინ ეთამაშება, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ მედიასთან განაცხადა. მისი თქმით, თუ საზოგადოება აპირებს, განსხვავებულ აზრს ებრძოლოს კანონგარეშე ხერხებითა და ფორმებით, რა თქმა უნდა, ეს ნიშნავს იმას, რომ საზოგადოება ბრუნდება ვანდალიზმში. „პირდაპირ უნდა ვთქვათ, თუ ჩვენ გვაქვს პრეტენზია ინდივიდუალურად და ზოგადად ერს, რომ ვითვლებოდეთ ცივილიზებულ ხალხად, რა თქმა უნდა ეს ნიშნავს, რომ აბსოლუტურად საწინააღმდეგო მოსაზრებას და ჩვენს მოსაზრებას უნდა ჰქონდეს მშვიდობიანად თანაცხოვრებისა და თანაარსებობის შესაძლებლობა. ეს არის ცივილიზებულობა. თუ ჩვენ, საზოგადოება ვაპირებთ რომ განსხვავებულ აზრს ვებრძოლოთ კანონგარეშე ხერხებითა და ფორმებით, რა თქმა უნდა, ეს ნიშნავს იმას, რომ ჩვენ ვბრუნდებით ვანდალიზმში. ბუნებრივია, ეს ნიშნავს რომ ჩვენ ვხდებით ბარბაროსულები. რა თქმა უნდა, ეს არ შეიძლება ჩვენ შევიწყნაროთ ნებისმიერი ფორმა და გამოვლინება ძალადობის აქტების. ამიტომ ეს არის დაუშვებელი რამ. კარგად გაითვალისწინოს უკლებლივ ყველამ. რა თქმა უნდა, განსაკუთრებულად მნიშვნელოვანია გვესმოდეს, რომ სახელმწიფო მთელი თავისი რესურსით წინ აღუდგება ძალადობის ნებისმიერ ფორმასა და გამოვლინებას, ნებისმიერს, რომელიც კანონგარეშეა. ეს მინდა ყველამ კარგად გაითვალისწინოს და ცეცხლს ნურავინ ეთამაშება“, – აღნიშნა მიხეილ სარჯველაძემ.
