“ყველა კვლევით 60%-იანი მხარდაჭერა აქვს „ქართულ ოცნებას“. ასე რომ, ეს კარგად შეიგნონ, შეიგრძნონ მათაც და მათმა პატრონებმაც, ეს პასუხი დაფიქსირდება 26 ოქტომბერს”, – ამის შესახებ მმართველი გუნდის წევრმა, ირაკლი კირცხალიამ ოპოზიციის მისამართით განაცხადა.

მისივე თქმით, ყველას ნიღაბი ჩამოეხსნა, განსაკუთრებით ამ წინასაარჩევნოდ.

„ძალა, რომელიც, ყველას კარგად გვახსოვს, რით იყო დაკავებული ხელისუფლებაში ყოფნის პერიოდში და შემდეგ უკვე ოპოზიციის ფლანგიდან რით არის დაკავებული – პირდაპირ ქვეყნის გაყიდვით, ლიბერალური ფაშიზმის ყველა გამოვლინებით. ასეთი ადამიანები მოუწოდებენ და საუბრობენ ევროპის სახლით, მათივე კონკრეტული ლობისტური ჯგუფების დახმარებით, რაც ძალიან სამწუხაროა, ესეც არაერთხელ ვთქვით. ყველას ნიღაბი ჩამოეხსნა, განსაკუთრებით ამ წინასაარჩევნოდ.

რეალურად მათაც და მათმა პატრონებმაც კარგად უნდა შეიგნონ, რომ ქვეყანაში 85% ჩვენი მოსახლეობის, ჩვენი საზოგადოების არის ევროინტეგრაციის მომხრე, ოღონდ მხოლოდ ღირსეულად, თავაწეული, ამაყად და ორ ფეხზე მდგომი. სწორედ ამის გამოვლინება იყო, გუშინ რაც იხილა მთელმა მსოფლიომ, მათმა პატრონებმაც და მათაც. დამერწმუნეთ, რომ ამ 85%-დან, ყველა კვლევით 60%-იანი მხარდაჭერა აქვს „ქართულ ოცნებას“. ასე რომ, ეს კარგად შეიგნონ, შეიგრძნონ მათაც და მათმა პატრონებმაც, ეს პასუხი დაფიქსირდება 26 ოქტომბერს”, – განაცხადა ირაკლი კირცხალიამ “იმედის” ეთერში საუბრისას.