მორიგი სასტიკი მკვლელობა. საჰაერო ბომბები ქალაქში მშვიდობიან მოსახლეობაზე – იქვე არის საბავშვო რკინიგზაც. ამას სამხედრო აზრი არ აქვს. სუფთა ტერორიზმია და ეს სრულმასშტაბიანი ომი, სამ წელზე მეტია გრძელდება, – განაცხადა უკრაინის პრეზიდენტმა, ვოლოდიმირ ზელენსკიმ, რითაც გამოეხმაურა რუსეთის მორიგ შეტევას ხარკოვზე.
მისი თქმით, ამ ყველაფრის იგნორირება არ შეიძლება.
„ამაზე თვალს ვერ დავხუჭავთ და ეს არ არის რაიმე სახის თამაში. ყოველდღე ჩვენ ვკარგავთ ჩვენს ხალხს მხოლოდ იმიტომ, რომ რუსეთი გრძნობს დაუსჯელობას. საჭიროა რუსეთის მკაცრი იძულება მშვიდობისკენ. რაც არ უნდა თქვას ვინმემ, ეს რუსული დარტყმები არ არის საპასუხო, არამედ ეს არის განადგურება, სიცოცხლის სრული განადგურება. ჩვენ ვმუშაობთ უკრაინის საჰაერო თავდაცვის გაზრდაზე. პოზიტიური სიგნალები აშშ-დან ძალიან საჭიროა, კონკრეტული სიგნალები საჰაერო თავდაცვაზე. ჩვენ ჯერ კიდევ ველოდებით პასუხს წინადადებაზე, რომ შევიძინოთ სისტემები, რომლებიც დაგვეხმარება“, – განაცხადა ვოლოდიმირ ზელენსკიმ.
