რუსეთის პრეზიდენტმა, ვლადიმერ პუტინმა ხელი მოაწერა კანონს ირანთან ყოვლისმომცველი სტრატეგიული პარტნიორობის შეთანხმების რატიფიცირების შესახებ, – ინფორმაციას რუსული მედია ავრცელებს.
როგორც ცნობილია, შეთანხმებას ხელი 2025 წლის 17 იანვარს, ირანის პრეზიდენტის, მასუდ პეზეშკიანის მოსკოვში ვიზიტის დროს მოეწერა.
დოკუმენტის თანახმად, მხარეები ისწრაფვიან ურთიერთობების გაღრმავებისა და გაფართოებისკენ ორმხრივი ინტერესის ყველა სფეროში, გააძლიერონ თანამშრომლობა უსაფრთხოებისა და თავდაცვის სფეროში, მჭიდროდ კოორდინაცია გაუწიონ საქმიანობას რეგიონულ და გლობალურ დონეზე, რაც შეესაბამება გრძელვადიან, ყოვლისმომცველ და სტრატეგიულ პარტნიორობას.
