პური გაიაფდა. პირველადი მოხმარების სურსათსა და საწვავზე ფასების შემცირების შემდეგ, ღირებულებამ პურზეც დაიკლო. დღეიდან სავაჭრო ობიექტებში ფართო მოხმარების პურის სახეობებს მომხმარებელი 10 თეთრით ნაკლებად ყიდულობს. ამ შედეგებისთვის, ფქვილის ფასის კლების შემდეგ სოფლის მეურნეობის სამინისტრო მწარმოებლებთან მოლაპარაკებას მართავდა.
პურის გაიაფება წინა კვირაში, მთავრობის სხდომაზე დაანონსდა. პრემიერის ინიციატივით, სოფლის მეურნეობის სამინისტრომ პურის მწარმოებლებთან მოლაპარაკებები დაიწყო. უწყებაში დღეს თქვეს, რომ საკვები პროდუქტის გაიაფება, სახელმწიფოს სწორი პოლიტიკის შედეგია.
