საქართველოში აშშ-ის ელჩი კელი დეგნანი რუსეთიდან პირდაპირი ფრენების დაშვებასთან დაკავშირებით განცხადებას აკეთებს და ამბობს, რომ ამით, რუსებს საშუალება ეძლევათ, საქართველოს გავლით გადავიდნენ ევროპაში, რაც დეგნანის თქმით, შეშფოთების საგანია.
„პირდაპირი ფრენები შეშფოთებას იმიტომ იწვევს, რომ საქართველოში არამხოლოდ მეტი რუსის ჩამოსვლის საშუალებას აჩენს, არამედ, [რუსები] საქართველოს იყენებენ იმისთვის, რომ შემდგომ, გადავიდნენ ევროპაში. ევროპამ გადაწყვიტა, ჩაკეტოს კარი მათთვის, რადგან ეს რუსეთზე ზეწოლის ერთ-ერთი ნაწილია, ერთ-ერთი მექანიზმი, რომ რუსეთმა დაასრულოს ეს ომი.
ამ შემთხვევაში, ფრენები ხელს შეუწყობს რუსეთის მოსახლეობის ევროპაში გასვლას. რეალურად, ყველა ზომა, რაც მიღებულია, ემსახურება იმას, რომ რუსეთზე ზეწოლა მოხდეს, მათ მიერ აგრესიული ომის შეჩერებას ემსახურება სანქციები, შეთანხმებული კონტროლი საზღვრებზე და ასე შემდეგ“, – აცხადებს კელი დეგნანი.
