26 ივლისს პარიზის 2024 წლის ოლიმპიური თამაშების გახსნის ცერემონია გაიმართება. პარიზის ცენტრალურ ქუჩებში მზადების პროცესი მიმდინარეობს.
ცერემონიის ფარგლებში 7 000-მდე სპორტსმენი 85 ნავით პარიზის შუაგულში, მდინარე სენაში წინასწარ შედგენილ მარშრუტს გაივლის. ცერემონია დაახლოებით ოთხი საათის განმავლობაში გაგრძელდება. ორგანიზატორების განცხადებით, შოუს 80-ზე მეტი სახელმწიფოსა და მთავრობის მეთაური დაესწრება, ასევე მდინარის ნაპირებიდან სანახაობას თვალს მიადევნებს 300 000-ზე მეტი მაყურებელი.
ცერემონიის უსაფრთხოების უზრუნველსაყოფად 2 000 კერძო დაცვის თანამშრომელი და 45 000 პოლიციელია მზადყოფნაში. სპორტსმენების მიერ გასავლელი მარშრუტის გასწვრივ შენობების თავზე სნაიპერები განლაგდებიან. დაკეტილი იქნება მიმდებარე მეტროსადგურები, ასევე რამდენიმე ხიდი. პარიზის თავზე არ დაიშვებიან არც თვითმფრინავები, თუ ისინი არ იქნებიან ცერემონიის ნაწილი.
