გვარამიას გადაწყვეტილება, შესაძლოა ეპატაჟურიც იყოს, რომ ვიღაცას გმირად წარმოუდგინოს თავი, მაგრამ მისი მსგავსი ანტიგმირები გმირები ვერასოდეს იქნებიან, – ამის შესახებ პარლამენტის ვიცე-სპიკერმა, ნინო წილოსანმა განაცხადა.
წილოსანის თქმით, ნიკა გვარამიამ გადაწყვიტა, კანონს კიდევ ერთხელ არ დაემორჩილოს.
„მის ირგვლივ არაერთი ბრალდება და დანაშაულია, რაზეც გასამართლებულია. თამამი იქნება საკუთარ გადაწყვეტილებაში, რომ გირაოს ნაცვლად პატიმრობა შეეფარდოს, რადგან იცის, რომ მათი სისტემისგან განსხვავებით, პენიტენციური სისტემა შევქმენით, სადაც ადამიანი ღირსეულად თვლის თავს და სათანადოდ ეპყრობიან. ამიტომ, შესაძლოა, მისი გადაწყვეტილება ეპატაჟურიც იყოს, რომ ვიღაცას გმირად წარმოუდგინოს თავი, მაგრამ მისი მსგავსი ანტიგმირები გმირები ვერასოდეს იქნებიან. მეორე მხრივ, ალბათ, პატარა დასვენებასაც მოიწყობს იმ პოლიტიკური საგიჟეთიდან, რაც მათი გადამკიდე ქუჩებში ხდება“, – განაცხადა ნინო წილოსანმა.
