იმიტომ დააჯილდოვეს, რომ მათი ნების შემსრულებელია, – ასე ეხმიანება „ხალხის ძალის“ აღმასრულებელი მდივანი გურამ მაჭარაშვილი, გერმანული „დოიჩე ველეს“ მიერ სიტყვის თავისუფლების დარგში თამარ კინწურაშვილისთვის პრემიის მინიჭებას.
მისი თქმით, დასავლელმა პატრონებმა „ნაცმოძრაობის“ რეჟიმის წარმომადგენელი წაახალისეს.
„არა მხოლოდ ხელისუფლებაში ყოფნის დროს, ხელისუფლების შემდგომაც კი, „ნაცმოძრაობის“ რეჟიმი და მათი პატრონები უცხოეთიდან ზუსტად ამას ემსახურებიან, რომ განსხვავებული მოსაზრება ჩაკლან, მოკლან, გაანადგურონ, დააბულინგონ და ასე შემდეგ. ერთ-ერთი მაგალითი იყო ეს ქალბატონი, რომელიც დასავლეთში წაახალისეს და დააჯილდოვეს. რატომ დააჯილდოვეს? იმიტომ დააჯილდოვეს, რომ მათი ნების შემსრულებელია“, – განაცხადა გურამ მაჭარაშვილმა.
