მზად უნდა ვიყოთ, რომ რუსეთის აგრესიული ომი უკრაინის წინააღმდეგ კიდევ დიდხანს გაგრძელდება, – ამის შესახებ გერმანიის კანცლერმა, ოლაფ შოლცმა ბერლინში, ნატო-ს გენერალურ მდივანთან, იენს სტოლტენბერგთან ერთად გამართულ პრესკონფერენციაზე ისაუბრა.
შოლცის თქმით, გერმანია ემზადება ომის გაგრძელების საშიშროებისთვის და სწორედ ამის საფუძველზე ახდენს პოლიტიკური კურსის ადაპტირებას.
„ნატო არის თავდაცვითი ალიანსი. გერმანიამ ბევრი გააკეთა, რათა ალიანსის თავდაცვითი შესაძლებლობები გაზრდილიყო. რაც გვაერთიანებს, არის ნატო-ს ტერიტორიის ყოველი კვადრატული სანტიმეტრის დაცვის გადაწყვეტილება“, – აღნიშნა შოლცმა.
