აზერბაიჯანის ხელისუფლების განცხადებით, მთიან ყარაბაღში, ქალაქ ხანკენდში ეთნიკურად აზერბაიჯანელების დაბრუნების გეგმებს განიხილავენ. ამის შესახებ აზერბაიჯანული საინფორმაციო სააგენტო APA იუწყება.
„აზერბაიჯანის ლტოლვილთა და იძულებით გადაადგილებულ პირთა სახელმწიფო კომიტეტის ხელმძღვანელი როვშან რზაევი შეხვდა აზერბაიჯანელების ჯგუფს, რომლებიც „32 წინ ქალაქ ხანკენდიდან იძულებით გადაადგილებული გახდნენ“, – ნათქვამია მოხსენებაში.
აზერბაიჯანული მედიის ინფორმაციით, შეხვედრაზე აღინიშნა, რომ არსებულ ვითარებაში დიდი დაბრუნება მალე შეეხება ხანკენდის აზერბაიჯანულ მოსახლეობას, რომლებიც იძულებით გადაადგილებული არიან.
27 სექტემბრის შუადღისთვის მთიანი ყარაბაღიდან სომხეთში 47 ათასზე მეტი ეთნიკურად სომეხი ჩავიდა.
