სამიტი ინდოეთში, სამხედრო წვრთნები სინგაპურსა და სამხრეთ აფრიკაში, საფრანგეთის პრეზიდენტის და გერმანიის კანცლერის ვიზიტები, ასევე, ჩინეთის ლიდერის, სი ძინპინის მოსკოვსა და საუდის არაბეთში გამგზავრება – ეს ყველაფერი ჩინეთის დიპლომატიის გააქტიურებაზე მიუთითებს. ამის შესახებ Aljazeera სტატიას აქვეყნებს.
ჩინეთი ღრმად არის ინტეგრირებული მსოფლიო ეკონომიკაში. დასავლეთის ლიდერების განცხადებების მიუხედავად, ჩინეთთან ეკონომიკური კავშირების შემცირების ან შეწყვეტის შესახებ, ეს ქვეყანა 120 სახელმწიფოს ძირითადი სავაჭრო პარტნიორია. ახლა კი პეკინს სურს, რომ მსოფლიოს მეორე ეკონომიკის პოზიცია პოლიტიკაზეც გადაიტანოს.
