რუსეთის პატრიარქის კირილის განცხადებით, რუსეთი და ბევრი აფრიკული ქვეყანა ერთსა და იმავე „მორალურ კოდექსს“ იზიარებენ და მზად არიან დაიცვან ისინი.
აღნიშნული განცხადება რუსეთის პატრიარქმა რუსეთ-აფრიკის სამიტის პლენარულ სხდომაზე გააკეთა, რომელიც სანქტ-პეტერბურგში ტარდება.
„მსოფლიო ძალიან არის შეცვლილი და მე ვსაუბრობ არა მარტო პოლიტიკურ საკითხებზე, არამედ საშიშ მორალურ გარემოზე, რომელიც ზოგჯერ ძალზე აგრესიულად დასავლეთის ზოგიერთი ქვეყნის მიერ იქმნება“, – განაცხადა რუსეთის ეკლესიის წინამძღვარმა.
მან ასევე აღნიშნა, რომ ანტიფასეულობათა სიაში თავისუფლების კულტი და ტრადიციული ოჯახის ინსტიტუტის განადგურება შედის.
