ბიძინა ივანიშვილმა 2012 წელს რადიკალურად შეცვალა ხელისუფლების მიდგომა საკუთარი ქვეყნის, ხალხის მიმართ, ხელისუფლება გახდა მზრუნველი საკუთარი ხალხის, ეროვნული ინტერესების მიმართ, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.
კობახიძის თქმით, „ამის გამოძახილია ქვეყანაში მშვიდობის შენარჩუნება და ეკონომიკური ზრდის მაღალი ტემპი“.
„მინდა, ვისარგებლო შემთხვევით და კიდევ ერთხელ მადლობა გადავუხადო ბატონ ბიძინა ივანიშვილს. ჩვენ ვსაუბრობდით კონკრეტულ მიღწევებზე, მათ შორის მშვიდობის, სტაბილურობის შენარჩუნებაზე, ეკონომიკის განვითარებაზე, სხვადასხვა დარგის განვითარებაზე. რა თქმა უნდა, ყველა ეს მიღწევა არის პირადად ბატონი ბიძინა ივანიშვილის დამსახურება, რომელმაც 2012 წელს რადიკალურად შეცვალა ხელისუფლების მიდგომა საკუთარი ქვეყნისა და ხალხის მიმართ. ხელისუფლება გახდა მზრუნველი საკუთარი ხალხის, ადამიანების მიმართ, ხელისუფლება გახდა მზრუნველი საკუთარი ეროვნული ინტერესების მიმართ და ამის გამოძახილია ის შედეგები, რომლებზეც დღეს მქონდა საუბარი – დაწყებული მშვიდობის შენარჩუნებით, დამთავრებული ეკონომიკური ზრდის მაღალი ტემპით, რომელსაც ჩვენმა ქვეყანამ მიაღწია. კიდევ ერთხელ მადლობა ამისათვის ბატონ ბიძინა ივანიშვილს“, – განაცხადა ირაკლი კობახიძემ.
