რუსეთის თავდაცვის სამინისტროს განცხადებით, დღეს მოსკოვთან ექვსი უკრაინული დრონი გაანადგურეს.
უწყების ცნობით, უპილოტო საფრენი აპარატები კალუგის ოლქის ტერიტორიაზე ჩამოაგდეს, რომელიც მოსკოვთან ახლოს მდებარეობს.
„დღეს კიევმა უპილოტო საფრენი აპარატების გამოყენებით ტერაქტის განხორციელება სცადა. ყველა აპარატი ჩამოგდებულია, არავინ დაშავებულა”, – ნათქვამია განცხადებაში.
უკრაინული მხარე ჯერჯერობით კომენტარს არ აკეთებს.
