“მინდა, მკაფიო სიგნალი გავუგზავნო პუტინს – არ იქნება არანაირი დაღლა. ჩვენ განვაგრძობთ უკრაინის მხარდაჭერას, ვიდრე საჭირო იქნება”, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა ევროკავშირის საგარეო საქმეთა მინისტრების არაფორმალური შეხვედრის შემდეგ განაცხადა.
ჯოზეფ ბორელის თქმით, ომის დაწყებიდან 15 თვის შემდეგაც რუსეთს ისევ აქვს უკრაინის დამორჩილების სურვილი, ამიტომ, უკრაინის მხარდასაჭერად საჭიროა, გარდა მოკლევადიანი ინსტრუმენტებისა, რომელიც ახლა არსებობს, გრძელვადიანი ინსტრუმენტების უზრუნველყოფა.
„და მე მინდა მკაფიო სიგნალი გავუგზავნო პუტინს: არ იქნება არანაირი დაღლა. ჩვენ გავაგრძელებთ უკრაინის მხარდაჭერას მანამ, სანამ მას დასჭიდება”, – აღნიშნა ბორელმა.
მან ასევე თქვა, რომ შექმნილ ვითარებაში უკრაინა ბრძოლას ვერ დათმობს, რადგან ეს საფრთხეს უქმნის მისი, როგორც ერის არსებობას.
„ბევრი ამბობს, რომ მშვიდობა სურთ. ისინი, ვისაც მშვიდობა ყველაზე მეტად უნდათ, არიან უკრაინელები. უკრაინელებს უნდათ მშვიდობა. ჩვენ გვინდა მშვიდობა, მაგრამ ჩვენ არ გვინდა კაპიტულაცია. არ გვინდა, რომ უკრაინა გახდეს მეორე ბელარუსი“, – განაცხადა ბორელმა.
