აზერბაიჯანული მედიის ცნობით, რუსულ მედიაჯგუფ „რასია სევოდნიას“ წარმომადგენლობამ აზერბაიჯანში (Sputnik აზერბაიჯანი) საქმიანობა შეწყვიტა. ამის შესახებ განაცხადა აზერბაიჯანის საგარეო საქმეთა სამინისტროს პრეს-მდივანმა გააკეთა.
„რასია სევოდნიას“ (Sputnik) წარმომადგენლობა აზერბაიჯანში გაუქმებულია“, – განაცხადა საგარეო უწყების ოფიციალურმა წარმომადგენელმა.
მისი თქმით, რუსულ კომპანიას შეუძლია, აზერბაიჯანში აკრედიტაცია მიიღოს მხოლოდ ერთი კორესპონდენტისთვის.
აიხან ჰაჯიზადემ ასევე განაცხადა, რომ გაუქმებულია რადიო „ამერიკის ხმის“ კორესპონდენტის აკრედიტაცია.
ცნობისთვის, გასულ კვირას ბაქოში დაიხურა „ბიბისის“ ოფისი. ხელისუფლების გადაწყვეტილების თანახმად, „ბიბისის“ აქვს უფლება, აზერბაიჯანში მხოლოდ ერთი აკრედიტებული კორესპონდენტი ჰყავდეს.
20 თებერვალს „ბიბისიში“ განაცხადეს, რომ აზერბაიჯანში ოფისს ხურავენ. მათი განმარტებით, ეს იყო იძულებითი გადაწყვეტილება, რომელიც მიიღეს აზერბაიჯანის საგარეო საქმეთა სამინისტროდან ზეპირი მითითების მიღების შემდეგ.
