მარტო კობახიძე არ არის პრობლემა, პრობლემაა ის, ვინც ამ არეალში კობახიძეს უშვებს სალაპარაკოდ – ამის შესახებ პოლიტიკოსმა ეკა ბესელიამა „ტვ პირველის” ეთერში განაცხადა.
„კობახიძის დღევანდელმა და ბოლოდროინდელმა განცხადებებმა თავზარი, კიდევ ერთხელ დასცა ამ დაზარალებულებს. მე ამ ადამიანისგან არაფერი არ მიკვირს, დიდი ხანია ამ ხანძარს აჩენს ქვეყანაში და დღეს ამ ტრაგედიის ზონაშიც ხელახლა დაანთო ეს ხანძარი. ეს ამით არის დაკავებული. მაგრამ მარტო კობახიძე ხომ არ არის პრობლემა, პრობლემა არის ის, ვინც კობახიძეს ასე უშვებს ამ არეალში სალაპარაკოდ. დღეს უკვე გადასწვდა იმ მთავარ ადამიანებს, ცოცხლად გადარჩენილ მოწმეებს, რომელთა დაკითხვის საფუძველზეც რეალური ობიექტური სურათი უნდა შეიქმნას. მორალურ, ადამიანურ, პოლიტიკურ დონეზე, ეს არის წარმოუდგენელი განცხადებები”. – განაცხადა ბესელიამ.
