თბილისის საქალაქო სასამართლომ პატიმრობაში დატოვა 7-9 მარტის აქციების საქმეზე დაკავებული ლაზარე გრიგორიადისი.
სასამართლოს სხდომაზე გრიგორიდისმა სიტყვის უფლებით ისარგებლა და განაცხადა, რომ სურს სხდომაზე იმყოფებოდნენ პარტია “ქართული ოცნების” თავმჯდომარე ირაკლი კობახიძე და საქართველოს პრემიერ-მინისტრი ირაკლი ღარიბაშვილი.
„მათი ადვოკატის ახსნილი და მათი ადვოკატების წინადადებების მოსმენა არ მინდა მარტო. მათი არგუმენტების მოსმენაც მინდა“, – თქვა ლაზარე გრიგორიადისმა.
მანვე აღნიშნა, რომ მალე ექნება სასამართლო სხდომა ტელეკომპანია „იმედთან”, ვინაიდან მათ „ისე დაამონტაჟეს, არღვევენ უდანაშაულობის პრეზუმფციას“.
მანვე თქვა, რომ ასევე ექნება სასამართლო დავა „თმებთან“ დაკავშირებითაც. „სამი სასამართლო მექნება ცოტა ხანში. ალბათ, გლდანის ციხესთანაც დაკავშირებითაც გავაკეთებ, რა დარღვევები ხდება იქ“, – თქვა ლაზარე გრიგორიდისმა დღევანდელ სხდომაზე.
