“კრემლი საქართველოს ტერიტორიული მთლიანობის აღდგენას იწყებს?! დასავლეთი კი სანქციებით გვემუქრება!
დასავლეთი საქართველოს მიმართ პოლიტიკურ თამაშებს აგრძელებს. ევროკავშირის კანდიდატის სტატუსის მიცემისთვის , საქართველოს დაუსაბუთებელ პრობლემებს უქმნიან. აშშ კი ჩვენგან მეტ მორჩილებას ითხოვს, განსაკუთრებით რუსეთ -უკრაინის შორის მიმდინარე ომთან დაკავშირებით. წერს- სოციალურ ქსელში “სტრატეგიული დაგეგმარების ცენტრის” ხელმძღვანელი, ლევან მამალაძე სოციალურ ქსელში.
მამალაძის განცხადებით, პუტინის ნაბიჯი დასავლეთმა გამოწვევად აღიქვა და საქართველოს დამატებით სანქციებით დაემუქრა.
“რუსეთი დიდი ხანია აკვირდება იმას, რომ საქართველო ევროკავშირში შესვლისთვისა იღწვის, ასრულებს მათ მოთხოვნებს , მაგრამ უსაფუძვლოდ წელავენ ამ პროცესს. დასვლეთი ევროკავშირში ინტეგრაციას პოლიტიკური დაძაბულობისთვის იყენებს, დაფინანსებული პოლიტიკურ ძალთა გამოყენებით ცდილობს ხელისუფლება დაასუსტოს და რუსეთთან პირდაპირ დაპირისპირებაში შეიყვანოს. მოსახლეობის ძირითადი ნაწილი გადაიღალა ასეთი უსამართლო მოპყრობით და ევროკავშირში ინტეგრაციის მოწინააღმდეგეთა რაოდენობამ ზრდა დაიწყო. ეს ვითარება რუსეთს არ გამოეპარა და თავისი პოზიციების გასამაგრებლად პირველი ნაბიჯი გადადგა, გააუქმა ვიზები და პირდაპირი ავიარეისების შესრულებაზე აკრძალვა მოხსნა. ეს არამარტო ჩვენ თანამემამულეებს გაუადვილებს სამშობლოსთან კავშირ, არამედ გაზრდის გადახდისუნარიანი რუსი ტურისტების ნაკადს და ქვეყნისთვის შემოსავლებს.
პუტინის ეს ნაბიჯი დასავლეთმა გამოწვევად აღიქვა და საქართველოს დამატებით სანქციებით დაემუქრა. რათქმაუნდა რუსეთი ასეთ რეაქციას ელოდა და ახლო მომავალში საქართველოს ტერიტორიული მთლიანობის აღდგენის პროცესიის დაწყებას გეგმავს. კრემლის კულუარებში ამაზე საუბარი გააქტიურდა, მაგარმ არ ჩქარობენ, ვინაიდან სოხუმის და ცხინვალის დეფაქტო ხელისუფლების უნდობლობა და მღელვარება არ გამოიწვიონ. პირველ ეტაპზე იგეგმება ურთიერობების აღდგენა, მოქალაქეთა უპრობლემო გადაადგილება, თავისუფალი ვაჭრობის ხელშეწყობა და ცხინვალი -თბილისი და სოხუმი-თბილისის სატრანსპორტო კავშირების აღდგენა. რუსეთმა ეს პროცესი რეალურად რომ დაიწყოს, აფხაზები და ოსების საქართველოს მიმართ დადებითად განაწყოს, გავლენის სერიოზულ ბერკეტს მოიპოვებს. მოსახლეობის უმრავლესობა საქართველოს გამთლიანების დაუჭერს მხარს და თავს შეიკავებს დასავლეთთან არაპარტნიორულ და დროში გაწელილ ინტეგრაციაზე. დასავლეთის გავლენის შესუსტებისთვის რუსეთმა მოქმედება უკვე დაიწყო, მალე გამოჩნდება რამდენად რეალურია საქართველოსთვის ტერიტორიული პრობლემების მოგვარების სცენარი!
ცხადია , რომ უკრაინაში მიმდინარე ომის შედეგები სერიოზულ გავლენას მოახდენს საქართველოზე. დღევანდელ პირობებში ევროკავშირმა და აშშ-მ მუქარისა და სანქციების ნაცვლად საქართველოს უპირობო ინტეგრაცია უნდა დააჩქაროს, კანდიდატის სატატუსიც უნდა მოგვცენ და ამერიკის ვიზების მიღების გამარტივება. წინააღმდეგ შემთხვევაში, რუსეთის მხრიდან საქართველოს ტერიტორიული მთლიანობის აღდგენის ხელშეწყობას, დასავლეთი ვერაფერს ვერ დაუპირისპირებს და დაფინანსებული მეხუთე კოლონის პროვოკაციებიც ვერ მახდენს ამაზე შესატყვის ზეგავლენას!
მსოფლიოში არსებული გლობალური დაპირისპირების პირობებში, ევროპას ალტერნატიული კორიდორები სჭირდება. საქართველოს მნიშვნელობა და საჭიროება იზრდება, კასპია-შავი ზღვის კორიდორით ნავთობისა და გაზის გატარების გაზრდას , შავი ზღვის ფსკერზე დიდი სიმძლავრის ელექტრო სადენის პროექტიც დაემატება. ჩინეთისა და ცენტრალური აზიის ტვირთების მოზიდვა საქართველოს პორტების გავლით, დამატებით შემოსავლების წყაროს გააჩენს. ჩვენ უნდა ვისარგებლოთ არსებული ვითარებით, ვიმოქმედოთ მხოლოდ ეროვნული ინტერესებიდან გამომდინარე და გავაძლიეროთ ჩვენი ქვეყანა!” -წერს მამალაძე.
