ხელისუფლებაც დაკავშირებულია ქოლცენტრებთან და ამიტომ არ უნდა საგამოძიებო კომისიის შექმნის მხარდაჭერა, – ამის შესახებ დამოუკიდებელმა დეპუტატმა ხატია დეკანოიძემ განაცხადა.
„მხარი დავუჭირე ამ ინიციატივას იმიტომ, რომ პირველ რიგში, მე არ მჯერა, რომ იმ ორგანიზებულ დანაშაულზე, რომელიც აღწერილი იყო BBC-ის საგამოძიებო მასალაში, საქართველოს ხელისუფლებამ არ იცოდა. იმიტომ, რომ იცის ყველაფერი“, – აღნიშნა ხატია დეკანოიძემ.
ოპოზიცია ქოლცენტრების საქმეზე საგამოძიებო კომისიის შექმნის ინიციატივის კენჭისყრაზე გატანას ცდილობს.
