აშშ-ის ვიცე-პრეზიდენტად არჩეული ჯეი დი ვენსი ვაშინგტონში ჩინეთის ვიცე-პრეზიდენტს, ჰან ჩჟენს შეხვდა. ინფორმაციას მედია ტრამპის გუნდზე დაყრდნობით ავრცელებს.
როგორც მედია წერს, შეხვედრის დროს ვენსმა და ჰან ჩჟენმა განიხილეს ისეთი თემები, როგორებიცაა ფენტანილის საკითხი, ვაჭრობის დაბალანსება და რეგიონული სტაბილურობა.
შეგახსენებთ, ტრამპს საპრეზიდენტო კამანიის დროს არაერთხელ უთქვამს, რომ ამერიკაში ჩინეთიდან დიდი რაოდენობით ფენტანილი შედის. სავარაუდოდ, სწორედ ამ საკითხზე იმსჯელეს შეხვედრაზე ვანსმა და ჩჟენმა.
მანამადე კი ცნობილი გახდა, რომ დონალდ ტრამპმა თავის ინაუგურაციაზე ჩინეთის პრეზიდენტი სი ძინ პინი მიიწვია. მის ნაცვლად კი ფიცის დადების ცერემონიას ჰან ჩჟენი დაესწრება. სწორედ ამ მიზნით იმყოფება ის ვაშინგტონში.
