აშშ-ის მოქმედმა ვიცე-პრეზიდენტმა, ჯეი დი ვენსმა 2028 წელს აშშ-ში დაგეგმილ საპრეზიდენტო არჩევნებზე, შესაძლოა, კენჭი იყაროს. ინფორმაციას Axios-ი ავრცელებს.
სავარაუდოდ, მას „რესპუბლიკური“ პარტია დაასახელებს. როგორც აშშ-ის სენატორმა, ჯიმ ბენქსმა, რომელიც დონალდ ტრამპის ახლო მოკავშირეა, გამოცემას განუცხადა, ვენსის კანდიდატურის დასახელება „გარდაუვალია“.
„ის [ვენსი] მოძრაობა „ამერიკა უპირველეს ყოვლისა“ მომავალია, და მან თავი უკვე გამოიჩინა“, – თქვა სენატორმა.
როგორც Axios-ი იუწყება, ტრამპის ბევრი ძველი თანაშემწე და მომხრე მოქმედ ვიცე-პრეზიდენტში ხედავს ადამიანს, რომელიც მოქმედი პრეზიდენტის მსოფლმხედველობას რამდენიმე ათწლეულით გააძლიერებს. მათი თქმით, ტრამპმა ძველი „რესპუბლიკური“ პარტია დაშალა, ხოლო ვენსს ახლის მშენებლობის დასრულება შეუძლია.
მედიის ცნობით, ვენსმა ტრამპის მომხრეების სიმპათიები მისი მეომრული საჯარო გამოსვლებითა და გუნდში მუშაობის კარგი დემონსტრირებით შეძლო. ის აგრეთვე თეთრი სახლის ლიდერის მიმართ ურყევი ერთგულებით გამოირჩევა.
