ისრაელის არმიამ ლიბანზე საჰაერო იერიშის შედეგად „ჰეზბოლას“ სპეციალური ოპერაციების დანაყოფის „რადვანის“ მეთაური მოჰამად კასემ ალ-შაა მოკლა.
ინფორმაცია ისრაელის თავდაცვის ძალების („ცაჰალის“) ტელეგრამ არხზეა გამოქვეყნებული.
როგორც „ცაჰალი“ იუწყება, „რადვანის“ მეთაური ქარაუნის რაიონში, ბეირუთიდან 58 კილომეტრში მოკლეს. ალ-შაას მრავალი ტერორისტული აქტი აქვს ჩადენილი ისრაელის წინააღმდეგ.
მისმა ლიკვიდაციამ ლიბანის სამხრეთიდან ისრაელზე „ჰეზბოლას“ შეტევების შანსები მკვეთრად შეამცირა, ფიქრობენ ისრაელის თავდაცვის არმიაში.
