ირანის ჩრდილოეთ-დასავლეთით, სადაც ქვეყნის პრეზიდენტის ვერტმფრენი ჩამოვარდა, 3 მაშველი დაიკარგა. ამის შესახებ BBC წითელი ნახევარმთვარის პრესსამსახურზე დაყრდნობით წერს.
ორგანიზაციაში ასევე აღნიშნავენ, რომ მაშველები მიუახლოვდნენ ვერტმფრენის ჩამოვარდნის სავარაუდო ადგილს, თუმცა სამაშველო ოპერაციის ტემპი შეჩერდება, რადგან ინციდენტის ადგილას ჰაერის ტემპერატურა მკვეთრად დაეცემა, ასევე მოსალოდნელია წვიმა.
პრეზიდენტ იბრაჰიმ რაისის ვერტმფრენი ქვეყნის ჩრდილოეთ-დასავლეთში ხისტად დაეშვა. ცნობილია, რომ პრეზიდენტის კორტეჟში სულ 3 ვერტმფრენი იყო. მედიის ცნობით, დანარჩენ ორ ვერტმფრენში მინისტრთა კაბინეტის სხვა წევრები იმყოფებოდნენ. ისინი დანიშნულების ადგილას უსაფრთხოდ ჩაფრინდნენ.ოფიციალური ინფორმაცია პრეზიდენტის ჯანმრთელობის მდგომარეობის შესახებ ამ ეტაპზე არ გავრცელებულა. მაშველებს ინციდენტის ადგილას მისვლაში ძლიერი ნისლი და ცუდი ამინდი უშლით ხელს.
