ილონ მასკი აცხადებს, რომ სოციალურ ქსელ X-ზე კიბერშეტევა უკრაინის ტერიტორიაზე შექმნილი IP მისამართებით განხორციელდა. ამის შესახებ მასკმა „ფოქს ნიუსის“ ეთერში განაცხადა.
„ჩვენ არ ვართ დარწმუნებული, ზუსტად რა მოხდა, მაგრამ მასიური კიბერთავდასხმა განხორციელდა X-ზე სისტემის მწყობრიდან გამოყვანის მიზნით, უკრაინის ტერიტორიაზე შექმნილი IP მისამართებით“, – აღნიშნა მასკმა.
სოციალური ქსელი „იქსი“ (X) გუშინ შეფერხებით მუშაობდა. დილის 06:00 საათზე პრობლემის შესახებ 20 500-ზე მეტმა მომხმარებელმა განაცხადა, ხოლო დილის 10:00 საათზე თითქმის 40 000 მომხმარებელმა განაცხადა გათიშვების შესახებ.
