უკრაინის მეხუთე პრეზიდენტი, ოპოზიციონერი პეტრო პოროშენკო ვოლოდიმირ ზელენსკისა და დონალდ ტრამპის მოლაპარაკებების ჩაშლის თაობაზე განცხადებას ავრცელებს.
მისი თქმით, გუშინდელის გამო არ აპირებს ზელენსკის გაკრიტიკება, რადგან ახლა, უკრაინის ერთობის და დროა და არც ის შეიძლება, რომ ქვეყანაში ანტიამერიკული განწყობები გავრცელდეს.
„ნახევარ ქვეყანას არ ეძინა ვაშინგტონიდან გუშინდელი ვიდეოს ხილვის შემდეგ. უკრაინისთვის თითები გადაჯვარედინებული გვქონდა და ახლა, ყველას აქვს კითხვა – რა იქნება მომავალში? ზოგი, ჩემგან ზელენსკის კრიტიკას ელოდა, მაგრამ არა, კრიტიკა არ იქნება, რადგან ეს ის არ არის, რაც ახლა ქვეყანას სჭირდება.
უკრაინისა და აშშ-ის ურთიერთობა, ეს არ არის ზელენსკისა და ტრამპის ურთიერთობა. ეს, ორი დიდებული ხალხის მეგობრობაა, რომლებმაც იციან, დემოკრატია და თავისუფლება – ეს ცარიელი სიტყვები არ არის და ჩვენ არ შეგვიძლია, თავს ანტიამერიკული განწყობების გაღვივების უფლება მივცეთ.
ერთადერთი, რაც ახლა უკრაინას სჭირდება – ერთობაა. დიდი იმედი გვაქვს, რომ პრეზიდენტ ზელენსკის სათადარიგო გეგმა აქვს“, – აცხადებს ლუკაშენკო.
