გიორგი ჩხეიძე ევროპის ჩემპიონატის ვერცხლის პრიზიორია
ქართველი ძალოსანი გიორგი ჩხეიძე სომხეთის დედაქალაქ ერევანში მიმდინარე ევროპის ჩემპიონატის ვერცხლისმედალოსანია.
109 კილოგრამ წონით კატეგორიაში მოასპარეზე სპორტსმენმა ორჭიდის ჯამში 381 კილოგრამი დაძლია და მეორე ადგილი დაიკავა.
აღსანიშნავია, რომ ამავე წონით კატეგორიაში კარგად იასპარეზა ზაზა ლომთაძემ, რომელმაც აკვრაში დაძლეული 213 კილოგრამით ვერცხლის მედალი მოიპოვა, ხოლო ორჭიდის ჯამური 376 კილოგრამით მეოთხე ადგილი დაიკავა.
