გერმანიაში ტერაქტის მომზადების ბრალდებით სირიელი დააკავეს. ინფორმაციას გერმანული მედია ავრცელებს.
გამოძიების ცნობით, 28 წლის მამაკაცი „შაჰიდის ქამრის“ გამოყენებით გეგმავდა თავდასხმას.
ბრალდებული ჰამბურგში დააკავეს. მასთან ერთად დაკავებულია მისი ძმა, რომელიც დანაშაულის ხელშეწყობაშია ეჭვმიტანილი.
როგორც გერმანული მედია წერს, გამოძიებას აქვს ინფორმაცია, რომ სირიელი მამაკაცი რამდენიმე კვირის განმავლობაში ყიდულობდა ინტერნეტით ასაფეთქებელ ნივთიერებებს, ხოლო მისი ძმა დანაშაულის გეგმას ადგენდა. კონკრეტულად რა იყო ტერორიზმში ეჭვმიტანილების სამიზნე არ სახელდება.
სპეცოპერაციაში 250 სამართალდამცველი მონაწილეობდა. სამძებრო ოპერაციაში ჩართული იყო სპეციალური დანიშნულების ძალებიც.
