გერმანულმა მაუწყებელმა MDR-მა გაავრცელა კადრები, როგორ დააკავეს სამართალდამცველებმა ქალაქ მაგდებურგში, საშობაო ბაზრობაზე მომხდარ თავდასხმაში ეჭვმიტანილი მამაკაცი. ის 50 წლის ექიმია საუდის არაბეთიდან.
გერმანიის ქალაქ მაგდებურგში, საშობაო ბაზრობაზე მანქანა ხალხში შევარდა. მედიის ცნობით, დაღუპულია, ორი ადამიანი, ხოლო 80-მდე პირი დაშავდა.
ადგილობრივი მაღალჩინოსანი მედიასთან საუბრისას ამბობს, რომ ეს იყო განზრახ თავდასხმა.
შემთხვევას გამოეხმაურა გერმანიის კანცლერი ოლაფ შოლცი.
„ჩემი ფიქრები დაღუპულთან და მათ ახლობლებთან არის. ჩვენ მათ და ყველა მაგდებურგელის ვერდით ვდგავართ“, – ამბობს შოლცი.
