გერმანია უკრაინისთვის „ავიაგამანადგურებლების კოალიციაში“ მონაწილეობას არ მიიღებს, – ამის შესახებ გერმანიის კანცლერმა, ოლაფ შოლცმა განაცხადა.
„ჩვენ ყურადღებას ვამახვილებთ იმაზე, რასაც ვაკეთებთ. ეს ახლა ძალიან აქტუალურია უკრაინის თავდაცვის შესაძლებლობისთვის“, – აღნიშნა გერმანიის მთავრობის ხელმძღვანელმა.
ოლაფ შოლცის განცხადებით, გერმანიამ უკვე აიღო შემდგომი ვალდებულებები ტანკების მიწოდების, იარაღის სისტემების მოვლის, საბრძოლო მასალების მიწოდებისა და საჰაერო თავდაცვის გაძლიერების მიმართულებით.
პარალელურად, გერმანიის თავდაცვის მინისტრმა, ბორის პისტორიუსმა თქვა, რომ გერმანია ვერ ითამაშებს აქტიურ როლს საავიაციო კოალიციაში.
