გერმანიის მთავრობა უკრაინას 12 ერთეულს თვითმავალ საარტილერიო დანადგარს Panzerhaubitz 2000 გადასცემს.
ინფორმაციას უკრაინული მედია ავრცელებს.
მათი ცნობით, ამის თაობაზე გერმანიის თავდაცვის მინისტრმა ბორის პისტორიუსმა „რამშტაინის“ ავიაბაზაზე უკრაინის საკონტაქტო ჯგუფის მორიგი შეხვედრის დროს განაცხადა.
საარტილერიო დანადგარების საერთო ღირებულება 150 მილიონ ევროს შეადგენს. ცნობილია ისიც, რომ ექვსი ასეთი დანადგარი, რომელთა მოქმედების რადიუს 30 კილომეტრზე მეტს შეადგენს, უკრაინას წელს მიეწოდება, ხოლო დანარჩენი ექვსი – მომავალ წელს.
