ბრიტანული სამოგზაურო გამოცემა Time Out მსოფლიოში ერთ-ერთი ყველაზე გავლენიანი სამოგზაურო პლატფორმის, Expedia-ს წლევანდელ ტრენდებს აქვეყნებს, რომელიც პლატფორმის სტატისტიკის საფუძველზე მომზადდა, – ამის შესახებ ტურიზმის ადმინისტრაციის მიერ გავრცელებულ ინფორმაციაშია ნათქვამი.
მათივე ცნობით, ამ სტატისტიკური მონაცემებით შედარებულია მოგზაურთა ჯავშნები 2024 წლის დეკემბრიდან 2025 წლის მარტამდე გასული წლის ანალოგიურ პერიოდთან. კვლევის შედეგად, საქართველოს დედაქალაქი, თბილისი Expedia-ს რეიტინგში მესამე ადგილზეა. თბილისის მაჩვენებელი 145 პროცენტით გაიზარდა, მოგზაურები საქართველოს დედაქალაქის კულტურას, ღამის ცხოვრებასა და სხვა აქტივობებს ეცნობიან.
თბილისთან ერთად, პოპულარულ მიმართულებებს შორის დასახელდნენ შვეიცარიული ქალაქი ბაზელი და ციურიხი, ასევე შვედური ქალაქი გეტებორგი, ბრაზილიური ქალაქი რიო დე ჟანეირო და მსოფლიოში ცნობილი სხვა ტურისტული ქალაქები.
