მნიშვნელოვანია იმის დემონსტრირება, რომ ევროკავშირი ერთიანია. ერთიანები ვართ ჩვენი პრინციპების, ღირებულებების დაცვაში და სწორედ ამიტომ ვუჭერთ მხარს ისრაელს, მის უფლებას, რომ დაიცვას თავი, – ამის შესახებ ევროპული საბჭოს პრეზიდენტმა, შარლ მიშელმა ევროკავშირის საგარეო საქმეთა მინისტერიალის დაწყებამდე განაცხადა.
მიშელის თქმით, მშვიდობიანი მოქალაქეები დაცულები უნდა იყვნენ ყველგან და ყოველთვის.
„ჩვენ ვგმობთ „ჰამასს“ და მის სასტიკ ტერორისტულ თავდასხმას. ვიმსჯელებთ ასევე ჰუმანიტარულ დახმარებაზე. ვფიქრობთ, რომ მშვიდობიანი მოქალაქეები დაცულები უნდა იყვნენ ყველგან და ყოველთვის, გვექნება კარგი დებატები ლიდერებთან ერთად. ვისაუბრებთ უკრაინაზე, რა თქმა უნდა ჩვენ მხარს დავუჭერთ უკრაინას, ვიდრე ეს საჭირო იქნება. ვიმსჯელებთ იმაზე, როგორ შეგვიძლია მეტი დახმარების აღმოჩენა“, – განაცხადა მიშელმა.
