ჩვენმა ხალხმა მოიპოვა ის, რომ რესპუბლიკური [საავადმყოფო] ხელიდან გააგდებინეს, მაგრამ დღეს ნახეთ მინისტრად ვინ დანიშნეს? რანაირად შეიძლება? – ე.ი. ექიმებს, როგორც კლასს ანადგურებენ! – ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო სხდომაზე განაცხადა.
მისივე თქმით, “დიდი ეროვნული დეპრესია, ეს 12-წლიანი სირცხვილი აუცილებლად დასრულება“.
„ისინი გვყოფენ და ჩვენ უნდა გავერთიანდეთ. ისინი უიმედობისკენ გვიბიძგებენ, ჩვენ უნდა, პირიქით, ვაჩვენოთ ყველას, რომ იმედი ყველა შემთხვევაში დაბრუნდება. დიდი ეროვნული დეპრესია, ეს 12-წლიანი სირცხვილი აუცილებლად დასრულება, ამიტომ ჩემი სიცოცხლე გავრისკე, ამიტომ დავბრუნდი საქართველოში, ამიტომ ვიბრძოლებ ბოლო ამოსუნთქვამდე იმისთვის, რომ საქართველოში უიმედობამ, სიბნელემ, დაცარიელებამდე გენოციდმა ქართველი ერის არ და ვერ იმუშაოს.
კიდევ ერთხელ ვიმეორებ, პირდაპირ ახალი მთავრობის პირობებში უნდა მოხდეს: მონოპოლიების გაუქმება, საშუალო ფირმების ჩახსნა და ეგრევე ეს ფასები დაეცემა. ამ მთავრობის პირობებში ინვესტიციები ისევ დაეცა და ინვესტიციების ამოქაჩვა უნდა მოხდეს. ინვესტიციები ამოიქაჩება იქ, სადაც ბიზნესმენი და ოლიგარქი კი არ მართავენ ქვეყანას, არამედ მართავენ პატრიოტები, რომლებისთვისაც ფული არაფერს ნიშნავს. ჩემთვის არასოდეს ფული არ ნიშნავდა არაფერს. არც სახლი მაქვს, არც კარი მაქვს საქართველოში, თუ არ ჩავთვლით დაყადაღებულ ვენახს“, – განაცხადა სააკაშვილმა.
