ეკა ტყეშელაშვილი თქვენ ვინ გგონიათ? – სააკაშვილის მწვალებელთა პარტიის მაღალჩინოსანი იყო, – განუცხადა ჟურნალისტებს რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა, ირაკლი ზარქუამ.
იგი 26 ოქტომბრის საპარლამენტო არჩევნების თემაზე ბერლინში გამართულ ფორუმს გამოეხმაურა, რომელშიც „ლელოს“ წევრი ანა ნაცვლიშვილი და „ნაციონალური მოძრაობის“ ხელისუფლების ყოფილი მაღალჩინოსანი ეკა ტყეშელაშვილი მონაწილეობდნენ.
„ეკა ტყეშელაშვილი თქვენ ვინ გგონიათ? – ჩვეულებრივი, სააკაშვილის მწვალებელთა პარტიის მაღალჩინოსანი იყო. მგონი, არ დარჩა არც ერთი უწყება, სადაც ეს ქალბატონი არ იყო ხელმძღვანელი. ახლა მოვიკითხე, სად არის-მეთქი და აბა თუ გამოიცნობთ? უკრაინაში, ანტიკორუფციულ ბიუროს ხელმძღვანელობს-თურმე, USAID-ის მიმართულებით. Pink Floyd-ის ერთ-ერთმა წევრმა (როჯერ უოტერსი) თქვა – იმ კაცამდეც კი დავიდა, პოლიტიკაში არ არის საერთოდ, რომ უკრაინა ერთ-ერთი ყველაზე კორუმპირებული სახელმწიფოაო“, – განაცხადა ზარქუამ.
26 ოქტომბრის საპარლამენტო არჩევნების შესახებ ბერლინში, ფორუმზე იმსჯელეს – დისკუსიას ანა ნაცვლიშვილი და ეკა ტყეშელაშვილი დაესწრნენ.
