ძლიერმა წვიმამ და წყალმოვარდნებმა პრობლემები შექმნა სამეგრელოში. ყველაზე დიდი ზიანი წალენჯიხის მუნიციპალიტეტს მიადგა.
14 ადმინისტრაციულ ერთეულში დაზიანდა საგზაო ინფრასტრუქტურის ნაწილი, წყალდიდობამ ასევე დააზიანა მაზანდარას უბანში მდებარე დროებითი ასაწყობი ხიდი, დაიტბორა საცხოვრებელი სახლების და სავარგულების ნაწილი.
არსებულ ვითარებას ადგილზე გაეცნო სამეგრელო-ზემო სვანეთის სახელმწიფო რწმუნებული გიორგი გუგუჩია.
მისი განმარტებით დაზიანებული ინფრასტრუქტურის აღდგენა ცენტრალური ხელისუფლების ჩართულობით უახლოეს პერიოდში მოხდება. მიყენებული ზარალი ითვლება.
