ძალიან კარგი და პოზიტიური შეხვედრა იყო, – ამის შესახებ პრემიერმა, ირაკლი კობახიძემ ეუთო/ოდირის სადამკვირვებლო მისიის წარმომადგენლებთან გამართული შეხვედრის შემდეგ განაცხადა.
როგორც პრემიერმა ჟურნალისტებს განუცხადა, შეხვედრაზე ყველა დასმულ კითხვას უპასუხეს.
„სხვადასხვა კითხვა იყო და ყველაფერზე გავეცით პასუხი. ადმინისტრაციულ რესურსზე კითხვა არ ყოფილა, არც პირადობებზე…ძალიან კარგი და ძალიან პოზიტიური შეხვედრა იყო, – აღნიშნა პრემიერმა.
„საუბარი იყო საარჩევნო პროცესზე, როგორ მიმდინარეობს წინასაარჩევნო კამპანია, როგორი სიტუაციაა საქართველოში პოლიტიკურად, რა არის პოლიტიკური პარტიების მთავარი დღის წესრიგი და ზოგადად, რა მოლოდინები გვაქვს არჩევნებთან დაკავშირებით. ეს არის ის საკითხები, რაც განვიხილეთ და დამკვირვებლების კითხვებს ვუპასუხეთ“,- განაცხადა მაკა ბოჭორიშვილმა.
ეუთო/ოდირის სადამკვირვებლო მისიის წარმომადგენლებთან გამართული შეხვედრას პრემიერი საპარლამენტო უმრავლესობის წევრ, გივი მიქანაძესთან და საქართველოს პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილთან ერთად ესწრებოდა.
