აშშ-ის პრეზიდენტმა, დონალდ ტრამპმა აზერბაიჯანის პრეზიდენტს, ილჰამ ალიევს ქვეყნის დამოუკიდებლობის დღე მიულოცა.
წერილის შინაარს აზერბაიჯანის პრეზიდენტის ადმინისტრაცია ავრცელებს.
„ამერიკელი ხალხის სახელით, მინდა მოგილოცოთ თქვენ და აზერბაიჯანელ ხალხს დამოუკიდებლობის დღე. ჩვენ ვაფასებთ ჩვენს ურთიერთობას აზერბაიჯანის რესპუბლიკასთან და ვაფასებთ თქვენს პარტნიორობას შეერთებულ შტატებთან ტერორიზმის წინააღმდეგ ბრძოლაში, ენერგეტიკული უსაფრთხოების ხელშეწყობასა და თქვენს მეზობელთან მშვიდობის მისაღწევად მუშაობაში.
დიპლომატიური ურთიერთობების ოცდაათ წელზე მეტი ხნის ისტორიის განმავლობაში, ჩვენი ურთიერთობები მნიშვნელოვნად განვითარდა და ჩვენ მოუთმენლად ველით თანამშრომლობის გაგრძელებას ჩვენს ორმხრივ პრიორიტეტებზე, მათ შორის უსაფრთხოების სფეროში თანამშრომლობას, ეკონომიკურ პარტნიორობას და ენერგეტიკის განვითარებას.
ამერიკის შეერთებული შტატები კვლავაც მხარს უჭერს აზერბაიჯანსა და სომხეთს შორის ხანგრძლივ მშვიდობას. კონფლიქტის მშვიდობიანი მოგვარება ხელს შეუწყობს სამხრეთ კავკასიაში კეთილდღეობას და შეერთებულ შტატებთან თანამშრომლობის მეტ შესაძლებლობას შექმნის. ახლა დროა, მივაღწიოთ მშვიდობას და დავიწყოთ სამხრეთ კავკასიის ხალხებისთვის კეთილდღეობის ახალი ერა. ჩვენ მოუთმენლად ველით უფრო ღრმა პარტნიორობას მომავალ წლებში და ათწლეულებში“, – ნათქვამია წერილში.
