აშშ-ის არჩეული პრეზიდენტი დონალდ ტრამპი 19 იანვარს, ინაუგურაციამდე ერთი დღით ადრე ვაშინგტონში ღონისძიებას გამართავს. ინფორმაციას ამის შესახებ გამოცემა „ჰილი“ ავრცელებს.
გამოცემის ცნობით, ღონისძიება, რომელსაც ტრამპი „გამარჯვების მიტინგს“ უწოდებს, ვაშინგტონის ცენტრში, Capital One Arena-ზე გაიმართება.
აქციაზე გამომსვლელების ვინააობა ჯერ ცნობილი არ არის. სავარაუდოდ, იქ შეკრიებილებს სიტყვით თავად არჩეული პრეზიდენტი მიმართავს.
ცნობისთვის, აშშ-ის არჩეული პრეზიდენტის ინაუგურაცია 2025 წლის 20 იანვარს გაიმართება. ტრამპი ფიცს კაპიტოლიუმში დადებს.
