“დიდი იმედი გვაქვს, ევროკომისია ევროპული საბჭოსთვის რეკომენდაციას გასცემს, რომ საქართველოს სტატუსი მიანიჭონ”

ვფიქრობ, 8 ნოემბერს ევროკომისიის დასკვნა დადებითი იქნება და ხელისუფლების მიერ განხორციელებული რეფორმები ადეკვატურად იქნება ასახული ევროკომისიის ანგარიშში, – ამის შესახებ საქართველოს პარლამენტის საგარეო ურთიერთობა კომიტეტის თავმჯდომარე ნიკოლოზ სამხარაძემ განაცხადა.

მისივე თქმით, სტატუსის მიმართ მოლოდინი პოზიტიურია.

„იმედიანად ვართ განწყობილი. ვფიქრობ, 8 ნოემბერს ევროკომისიის დასკვნა დადებითი იქნება და ხელისუფლების მიერ განხორციელებული რეფორმები ადეკვატურად იქნება ასახული ევროკომისიის ანგარიშში. დიდი იმედი გვაქვს, ევროკომისია ევროპული საბჭოსთვის რეკომენდაციას გასცემს, რომ საქართველოს სტატუსი მიანიჭონ. რაც შეეხება ოპოზიციის აგონიურ განცხადებებს, რა თქმა უნდა, მათ ეს ყველაფერი არ უხარიათ. მათ განცხადებებშიც სწორედ ის ჩანს, რომ არ უხარიათ. მათ არ უხარიათ თავისი ქვეყნის წარმატება და ევროპული ინტეგრაცია. როგორც მათი ნაწილი ამბობს, ისინი მთელი ამ ხმის განმავლობაში დადიოდნენ და ევროპელ პარტნიორებს ეხვეწებოდნენ, რომ საქართველოსთვის სტატუსი არ მიეცათ. ამაში სწორედ მათი რეალური სახე და რეალური სურვილები ჩანს. ისინი საქართველოს ინტერესების საწინააღმდეგოდ მიდიან, მუშაობენ ქვეყნის ინტერესების საწინააღმდეგოდ და საკუთარ ქვეყანას ღალატობენ“, – განაცხადა ნიკოლოზ სამხარაძემ.