დანიის დედაქალაქ კოპენჰაგენში ერაყის საელჩოსთან აქცია გაიმართა, რომლის დროსაც აქციის მონაწილეებმა ყურანის დაწვა სცადეს.
კოპენჰაგენის პოლიციის სპიკერის თქმით, აქციის მონაწილეებს მცდელობა ჰქონდათ, რომ ერაყის დროშა დაეწვათ.
ყურანის დაწვის მცდელობას გამოხმაურება მოჰყვა ერაყში.
მეორე დღეს ბაღდადში აქციის მონაწილეებმა „მწვანე ზონაში“ შესვლა სცადეს, სადაც უცხოური საელჩოები და სამთავრობო შენობებია განთავსებული.
პოლიციამ აქციის მონაწილეების დასაშლელად ხელკეტები და ცრემლსადენი გაზი გამოიყენა.
ამავე დროს, დანიის მთავრობამ დაგმო ყურანის დაწვის მცდელობა.
„წმინდა ტექსტების და სხვა რელიგიური სიმბოლოების დაწვა არის სამარცხვინო ქმედება. ეს არის პროვოკაციული ქმედება, რომელიც ავნებს ბევრ ადამიანს და ქმნის ბარიერს სხვადასხვა რელიგიასა და კულტურას შორის“, – ნათქვამია მთავრობის განცხადებაში.
