პოლონეთის პრემიერ-მინისტრი, დონალდ ტუსკი აცხადებს, რომ მისი მთავრობა ევროკავშირის წევრ ქვეყნებთან ლობირებს ინიციატივას, საქართველოს მოქალაქეებისთვის ევროკავშირში უვიზო მიმოსვლის რეჟიმი გაუქმდეს.
ამის შესახებ ტუსკმა ოთხშაბათს, პოლონეთის პარლამენტში მიგრაციის შესახებ საუბრისას განაცხადა, სანამ მთავრობისგან გადამწყვეტ ნდობის ვოტუმს მიიღებდა.
„სხვათა შორის, ჩვენ ვქმნით აუცილებელ უმრავლესობას, საქართველოსთან უვიზო მიმოსვლის შეზღუდვის ან შეჩერების მიზნით. დიახ, ეს არის ჩემი განზრახვაც, კარგად ვიცი, რომ ქართველების მესამედი არის ხალხი, ვისაც ძალიან სურს ჩვენი ღირებულებების გაზიარება, მაგრამ ჩვენ ვიცით, რაშია პრობლემა.
ეს არ ეხება მხოლოდ საქართველოს – ბოდიშს ვუხდი ქართველებს, ვინც შეიძლება შეურაცხყოფილად იგრძნოს თავი. ზოგადად, მე მტკიცედ მომხრე ვარ უვიზო მიმოსვლის შეზღუდვის იმ ქვეყნებისთვის, რომლებიც, როგორც საქართველოს შემთხვევაში, აღარ სცემენ პატივს ავტორიტარული ხელისუფლების სტანდარტებს ან საიდანაც მიგრაცია პირდაპირ საფრთხეს უქმნის კანონიერებას და წესრიგს ჩვენს ქვეყანაში თუ ევროპაში“, – განაცხადა დონალდ ტუსკმა.
