ევროპარლამენტის პრეზიდენტმა რობერტა მეცოლამ განაცხადა, რომ ევროკავშირი ემზადება გაფართოებისთვის და რომ ამ პროცესს აკვირდებიან ადამიანები უკრაინაში, მოლდოვაში, საქართველოსა და დასავლეთ ბალკანეთში.
„ჩვენ ვემზადებით ევროკავშირის გაფართოებისთვის, ხალხი გვიყურებს უკრაინაში, მოლდოვაში, საქართველოსა და დასავლეთ ბალკანეთში, რომლებსაც დიდი ხნის განმავლობაში წინსვლაზე უარს ვეუბნებოდით. ჩვენ მზად უნდა ვიყოთ, გავუწოდოთ მათ ევროპის ხელი, რადგან თითოეული მათგანი მიჰყვება დამსახურებაზე დაფუძნებულ საკუთარ გზას, რომელიც იცავს აუცილებელ კრიტერიუმებს“, – განაცხადა მეცოლამ ევროპარლამენტში სიტყვით გამოსვლისას მისი მეორე ვადით არჩევის შემდეგ.
მეცოლამ აგრეთვე აღნიშნა, რომ ევროკავშირი მზად უნდა იყოს ახალი სამყაროსა და რეალობისთვის.
ევროპარლამენტმა სამშაბათის სესიაზე ხმათა უმრავლესობით რობერტა მეცოლა პრეზიდენტად მეორე ვადით აირჩია.
