არც ბრიუსელს და არც სხვა ვინმეს აქვს უფლება, გვითხრას, ვისი შეშვების უფლება გვაქვს ქვეყანაში, – ამის შესახებ უნგრეთის საგარეო საქმეთა მინისტრმა, პიტერ სიიარტომ მიგრაციული და თავშესაფრის პოლიტიკის რეფორმაზე ევროკავშირის საბჭოსა და ევროპარლამენტის მიერ მიღწეული შეთანხმების შეფასებისას განაცხადა.
სიიარტოს თქმით, ის უარყოფს ახალ რეფორმას და აცხადებს, რომ არავის შეუძლია, დააძალოს უნგრეთს, ვის შეუშვებს ქვეყანაში.
„არავის შეუძლია, დაგვაძალოს ქვეყნის შიგნით ვინმეს შეშვება. მხოლოდ ისინი შეძლებენ უნგრეთში შემოსვლას და დარჩენას, ვინც გვენდომება. ჩვენ უარვყოფთ მიგრაციის პაქტს. ჩვენ არავის შევუშვებთ ჩვენი სურვილის საწინააღმდეგოდ. არც ბრიუსელს და არც სხვა ვინმეს აქვს იმის უფლება, გვითხრას, ვისი შეშვების უფლება გვაქვს ქვეყანაში. ჩვენ უმკაცრესს უარს ვამბობთ ამის გამო დასჯაზე. ეს უნგრეთის მთავრობაა, აქ ჩვენ ძალაუფლება უნგრელმა ხალხმა მოგვცა და არა ბრიუსელის ელიტამ. ასე რომ, ჩვენ ნამდვილად დავაფასებთ, თუ ისინი შეძლებენ დისტანციის დაცვას ამისგან. კარგი იქნება, თუ არ შეეცდებიან ჩვენზე რაიმე იძულებითი მიგრაციის ზომების დაწესებას, რასაც ჩვენ ვერ მივიღებთ“, – განაცხადა სიირატომ.
