ჩინეთს უკრაინის ომში არცერთი მხარისთვის არ მიუწოდებია ლეტალური იარაღი და მკაცრად აკონტროლებს ორმაგი მოხმარების სამხედრო და სამოქალაქო პროდუქტს, – აღნიშნულია ჩინეთის საგარეო საქმეთა სამინისტროს განცხადებაში.
საგარეო უწყებამ უპასუხა უკრაინის უცხოური დაზვერვის ხელმძღვანელის განცხადებას, რომელიც ირწმუნება რომ ჩინეთი რუსეთის სამხედრო საწარმოებს ტყვიაწამალითა და ხელსაწყოებით ამარაგებს. ოფიციალური პეკინი მსგავს ფაქტს უარყოფს და აცხადებს, რომ ეს კიევის მხრიდან უსაფუძვლო ბრალდება და პოლიტიკური მანიპულაციაა.
