ბრიტანეთის ყოფილმა პრემიერ-მინისტრმა, ბორის ჯონსონმა განაცხადა, რომ უსაფრთხოების სამსახურმა საგარეო საქმეთა ოფისში მის პირად აბაზანაში მოსასმენი მოწყობილობა იპოვა, ისრაელის პრემიერ-მინისტრ, ბენიამინ ნეთანიაჰუსთან შეხვედრის შემდეგ.
ამის შესახებ ინფორმაციას „ტელეგრაფი“ ბორის ჯონსონის ახალ წიგნზე დაყრდნობით ავრცელებს.
გამოცემის თანახმად, ბორის ჯონსონის პირადი აბაზანა ბენიამინ ნეთანიაჰუმ 2017 წელს გამართული შეხვედრის დროს გამოიყენა.
„ეს შეიძლება იყოს ან არ იყოს დამთხვევა, მაგრამ მითხრეს, რომ მოგვიანებით, როდესაც ისინი რუტინულ შემოწმებას აკეთებდნენ მოსასმენებზე, ტუალეტში მოსასმენი მოწყობილობა აღმოაჩინეს“, – წერს ბორის ჯონსონი წიგნში.
