აშშ-ის მოქმედი პრეზიდენტი ჯო ბაიდენი „დემოკრატიული“ პარტიის პრეზიდენტობის ახალ კანდიდატზე ფიქრობს, რომელიც ნოემბერში დაგეგმილ საპრეზიდენტო არჩევნებზე „რესპუბლიკელი“ დონალდ ტრამპის დამარცხებას შეძლებს. ინფორმაციას ამის შესახებ Politico „დემოკრატ“ სენატორზე კრის კუნსზე დაყრდნობით ავრცელებს.
გამოცემის თანახმად, კუნსმა, რომელიც ბაიდენის უახლოესი მოკავშირეა სენატში და მისი საპრეზიდენტო კამპანიის თანათავმჯდომარეა, Aspen Security Forum-ზე გამოსვლისას განაცხადა, რომ პრეზიდენტი ყველა ვარიანტს განიხილავს, ითვალისწინებს რჩევებს და საკუთარ პოლიტიკურ მომავალზე ფიქრობს.
„მე ვფიქრობ, რომ ჩვენი პრეზიდენტი ფიქრობს იმაზე, რაზეც საჭიროა, კერძოდ, ვინ იქნება საუკეთესო კანდიდატი, რომელიც ნოემბერში გაიმარჯვებს და წინასაარჩევნო კამპანიის დროს „დემოკრატიული“ პარტიის ღირებულებებსა და პრიორიტეტებს უკეთ წარმოაჩენს“, – ციტირებს გამოცემა კუნსს.
