აზერბაიჯანი, სომხეთი რუსეთი და ერაყი ირანს ვერტმფრენის სამძებრო-სამაშველო სამუშაოებში დახმარებას სთავაზობს. ამის შესახებ ინფორმაციას BBC-ი ავრცელებს.
რუსეთმა ასევე შესთავაზა ირანს დახმარება ავიაკატასტროფის მიზეზების გამოძიებაში.
ასევე, არაბთა გაერთიანებულმა საამიროებმაც გამოუცხადა ქვეყანას მხარდაჭერა და განაცხადა, რომ ირანის გვერდით დგას.
თურქეთი კი აგზავნის სამძებრო-სამაშველო აღჭურვილობას ირანის დასახმარებლად. ქვეყნის კატასტროფების სააგენტოს ცნობით, ქვეყანაში ღამის ხედვის სამძებრო-სამაშველო ვერტმფრენი, 32 პერსონალი და ექვსი მანქანაა გაგზავნილი. საჭიროების შემთხვევაში კიდევ 15 ჯგუფი მზადყოფნაშია მოყვანილი.
ვერტმფრენი, რომელშიც ირანის პრეზიდენტი ებრაჰიმ რაისი და ირანის საგარეო საქმეთა მინისტრი ჰოსეინ ამირ-აბდოლაჰიანი იმყოფებოდნენ, ავარიაში მოყვა. გავრცელებული ინფორმაციით, ვერტმფრენმა მას შემდეგ, რაც პრობლემები შეექმნა ქვეყნის ჩრდილოეთით ძლიერ ნისლში “უხეში დაშვება” განახორხიელა. ადგილობრივი მედიის ცნობით, რაისი ირანის ჩრდილო-დასავლეთით მდებარე ქალაქ თავრიზისკენ მიემართებოდა, ირან-აზერბაიჯანის სასაზღვრო ზონიდან დაბრუნების შემდეგ.
